FERNOR YONG’OQ KO’CHATI
FERNOR NAVI HAQIDA
Fernor (Juglans regia 'Fernor') — sovuqqa chidamli fransuz yong’oq navi. U maxsuldor bo’lib, kech barg yoyadi. Franquette x Lara duragayidir. Fernor sovuq hududlarda, shuningdek dengiz sathidan 1800 metrgacha balandlikda ekilishi mumkin.
- Hosildorlik: Fernor erta hosilga kiradigan nav bo’lib, ko’chat ekilgandan keyin 3–4 yil ichida meva bera boshlaydi. To’liq voyaga yetganda gektaridan 8 tonnagacha yong’oq hosili olish mumkin.
- Meva va po’chog’i sifati: Fernor po’chog’i yupqa yong’oq beradi. Mag’zi mazali va och rangli. Yupqa po’choq va mag’iz rangi yong’oqning sotuv narxini belgilashda muhim ko’rsatkichlardir. Mag’zi ochroq rangli yong’oqlar qimmatroq sotiladi. Mag’zi po’chog’idan oson chiqadi va oson ikkiga bo’linadi.
- Daraxt o’lchami: Fernor yarim tik shaklda o’sadi. U zich ekishga, masalan 6 x 5 metr oralig’ida ekishga mos keladi. Ekish oralig’i haqida batafsil ma’lumotni shu sahifaning quyi qismidan topasiz.
- Barg yoyish vaqti: Fernor kech barg yoyadigan navdir. Bu afzallik, chunki kech barg yoyadigan navlarga sovuq urishi, yong’oq bakteriozi va meva qurti kamroq zarar yetkazadi.
- Changlanish: Fernor navining changlatuvchisi — Fernette. Har 10 tup Fernorga 1 tup Fernette ekishni tavsiya qilamiz.
- Payvandtag: Waltree’da Fernorni Juglans regia payvandtagiga (oddiy yong’oq deb ataladi) payvand qilamiz. Bu payvandtag blackline kasalligiga chidamliligi tufayli ko’proq tanlanadi.
- Qachon ekiladi: Fernorni noyabrdan keyingi yilning aprel oyi o’rtalarigacha ekish mumkin. Eng qulay ekish vaqti sizning mamlakatingiz va yeringizning joylashuviga bog’liq. Ishonchingiz komil bo’lmasa, bizdan so’rang.
FERNOR YONG’OQ KO’CHATLARINI EKISH ORALIG’I
Ko’p yillik tajribamizga tayanib, Waltree ko’chatzorida Fernor yong’oq ko’chatlari uchun 6 x 5 metr oraliqni tavsiya qilamiz. Bunda bir qatordagi daraxtlar bir-biriga yaqinroq joylashadi, qatorlar orasida esa yetarli joy qoladi. Bu daromadni erta olish imkonini beradi va bog’ingizdan qisqa muddatda yuqori hosil olishga yordam beradi. Changlatuvchilarni o’sha qatorning o’ziga ekishingiz mumkin — daraxtlar o’sganda ularni osonroq tanib olasiz. Changlatuvchilar asosiy navga nisbatan shamol esadigan tomondan ekilishi kerak, shunda gulchang shamol bilan tarqalib asosiy navni changlatadi. Quyidagi vositadan foydalanib, yeringizga necha tup ko’chat ekishingiz mumkinligini hisoblab ko’ring:
Siz ekishingiz mumkin bo’lgan ko’chatlar sonini hisoblash uchun iltimos, quyidagi maydonga yeringizning umumiy maydonini kiriting.
YETKAZIB BERISH
Ko’chatlarimizni mijozlarimizga noyabrdan keyingi yilning apreligacha yetkazib beramiz. Ko’chatlar mamlakatingizga yetkazib berilishi kerakmi? Yuk mashinasini tashkil qilib, ko’chatlarni to’g’ridan-to’g’ri yeringizgacha olib borishimiz mumkin. Yuk mashinasiga ortishdan oldin ko’chatlarning ildizini yuvamiz va tuproqdan tozalaymiz. Yosh yong’oq ko’chatlarini ochiq ildizli va tinim holatida (qishki uyquda) jo’natamiz. Barcha navlarimiz uchun fitosanitar sertifikatlar beramiz. Ko’chatzorimiz eksport uchun zarur bo’lgan hamma hujjatni tayyorlaydi. Sizdan faqat ko’chatlarni o’z joyingizda qabul qilishga tayyor turish talab etiladi. Fernor yong’oq ko’chatlarini Turkiyadan sotib olish juda yaxshi tanlov — ham narx jihatidan qulay, ham ko’chatlar sifati yaxshi.
Ko’chatlarni yetkazib berilgandan keyin bir hafta ichida ekishingiz yoki ekishga tayyor bo’lguningizcha saqlab turishingiz mumkin: ko’chatlarni qanday saqlash kerakligini quyidagi ko’rsatmalardan o’qing: Ko’chatlarni ekishga tayyor bo’lguningizcha bir necha hafta saqlab turishingiz mumkin. Shamol kam bo’ladigan joyni tanlang — bu bino ichida ham, tashqarida ham bo’lishi mumkin. Ko’chatlar qishki uyqudan uyg’onib ketmasligi uchun ularni imkon qadar 0 dan 8 gradus Selsiygacha bo’lgan haroratda saqlash muhim. Ko’chatlarning ildizini qum yoki tuproqqa ko’mib qo’ying va ekkuningizcha shu holda saqlang.
EKISH VA PARVARISH
Xaridan keyin mijozlarimizga bepul yo’l-yo’riq va maslahat beramiz. Har bir mamlakatning tuprog’i va iqlimi har xil, shuning uchun ehtiyojlari ham har xil. Yeringizning joylashuviga qarab, ko’chatlarni qanday o’stirish bo’yicha batafsil ko’rsatmalar beramiz. Quyidagi masalalarda yordam beramiz: yerni ekishga qanday tayyorlash, qaysi o’g’itdan foydalanish, daraxtlarni qanday butash va bog’ni yillar davomida qanday boshqarish.
TO’LIQROQ MA’LUMOT UCHUN BIZGA MUROJAT QILING
Biz sizning savollaringizga javob berishdan mamnun bo’lamiz.